„თბილისელების“ სამზარეულო
ქათამი კატალონიურად
საჭირო ინგრედიენტებია: სამი ცალი ქათმის ბარკალი, თავისი ბარკლის ძირით, მარილი, შავი პილპილი – გემოვნებით, 2 სადილის კოვზი ზეთი, 100 მილილიტრი თეთრი, მშრალი ღვინო, 450 მილილიტრი წყალი, 2 კბილი ნიორი, 30 გრამი ნუში, 2 სადილის კოვზი დაჭრილი ზეთისხილი.
მომზადების წესი: ქათმის ბარკალი გადაჭერით სახსარში და მოაშორეთ ბარკლის ძირს. გარეცხეთ კარგად და შეაშრეთ. მოაყარეთ მარილი, შავი პილპილი და ზეთში ყველა მხრიდან კარგად შებრაწეთ.
შეწვის შემდეგ დარჩენილ ზეთში ჩაასხით 100 მილილიტრი თეთრი ღვინო, 450 მილილიტრი წყალი. მიიყვანეთ ადუღებამდე. ჩაყარეთ მასში დანაყილი ნიორი, ნუში და ზეთისხილი. მოურიეთ და ჩააწყვეთ მასში ქათმის ნაჭრები. დაახურეთ თავსახური, დაუკელით ცეცხლს და შუშეთ კიდევ ნახევარი საათის განმავლობაში.