ურთიერთობას კარგი „მშენებელი” სჭირდება. მყარი კავშირი და ჰარმონიული ურთიერთობა მარტივად არ მიიღწევა – ამისთვის გამუდმებული მუშაობაა საჭირო: კომპრომისები, დათმობა, გაგების უნარი. თუ ეს ყველაფერი კომპლექსში არ არის, მაშინ, კონფლიქტი გარდაუვალია. თუმცა, კონფლიქტიც არ არის ერთგვაროვანი. ერთი კონფლიქტი აწესრიგებს და საინტერესოს ხდის ურთიერთობას, მეორეს – დასასრულისკენ მიჰყავს ის. მთავარია, თქვენ ისწავლოთ მათი ერთმანეთისგან გარჩევა და მართვა. პრობლემას კონსტრუქციულად უნდა მიუდგეთ. უნდა იფიქროთ იმაზე, რომ პრობლემების გარეშე ცხოვრება არ არსებობს. კონფლიქტი მაშინ არის ტრაგედია, როცა თქვენ თვითონ გადააქცევთ მას ტრაგედიად, ანუ, თუ მას საშუალება მიეცი, დაგინგრიოს ცხოვრება, ეს მხოლოდ შენი ბრალი იქნება. ურთიერთობა უნდა გაარკვიოთ, მაგრამ, არა ბანალური ფრაზებითა და აგრესიით.

ჭკვიანმა ქალმა ყოველთვის იცის, სად გადის ზღვარი დასაშვებსა და დაუშვებელს შორის. ყოველთვის გრძნობს, როდის უნდა გაჩერდეს, როდის დაიხიოს უკან და როდის მოემზადოს თავდასხმისთვის. პარტნიორისთვის შეურაცხყოფის მიყენება საკუთარი თავის შეურაცხყოფა უფროა. რადგან ერთად ხართ, ეს, გარკვეულწილად, უკვე ნიშნავს თანამოაზრეობას. ნუ იქნებით კონფლიქტური, თორემ, თავად კონფლიქტი საშიში არ არის!