ლეგენდარული ფრანგი ფეხბურთელი ზინედინ ზიდანი მომავალი სეზონიდან მადრიდის „რეალის” სპორტული დირექტორის თანამდებობას დაიკავებს, რომელიც მას შემდეგ გათავისუფლდა, რაც „რეალის” პრეზიდენტმა, ფლორენტინო პერესმა დააკმაყოფილა არგენტინელი ხორხე ვალდანოს განაცხადი  აღნიშნული პოსტიდან გადადგომის თაობაზე. ესპანური „მარკას” ცნობით, ჯერაც დაზუსტებით იმის თქმა, რომ ზიდანი ვალდანოს ადგილს დაიკავებს  შეუძლებელია, თუმცა, იმის გათვალისწინებით, რომ ბოლო პერიოდია, ზიდანი აქტიურად თანამშრომლობს „რეალთან” და პერესის მრჩეველიც არის რიგ საკითხებში, სავსებით დასაშვებია, ალჟირული წარმოშობის ზიდანი ახალ ამპლუაში მოგვევლინოს.