„ფორმულა ერთის“ გუნდის „ლოტუს-რენოს” პოლონელმა პილოტმა რობერტ კუბიცამ წლევანდელ სეზონში მონაწილეობაზე უარი განაცხადა და რბოლაში დაბრუნება მომავალ სეზონამდე გადადო. მიმდინარე წლის თებერვალში კუბიცა „ფორმულა ერთის” ისტორიაში ერთ-ერთ ყველაზე საშინელ ავარიაში მოყვა. იტალიაში, „რალი ანდორაზე” მიმდინარე რბოლის დროს იგი ტრასიდან გადავარდა და ჯებირს დაეჯახა, რომლის დამცავმა რელსმა მანქანა შუაზე გააპო და კუბიცას დაზიანებები მიაყენა ხელ-ფეხის არეში. ტრავმირებული პილოტი გენუის საავადმყოფოში შვეულმფრენით გადაიყვანეს, სადაც ოთხი უმძიმესი ოპერაცია გაუკეთდა. 6 თებერვალს ავარიაში მოყოლილი კუბიცა მხოლოდ 23 აპრილს გამოწერეს საავადმყოფოდან.