პირველად, რამდენიმეწლიანი კარიერის განმავლობაში, მაიკო კაჭკაჭიშვილმა სიმღერა თავად ჩაწერა, მაშინ, როცა მის სიმღერებს სრულიად ქართული ესტრადა მღერის. არჩევანი საკმაოდ უცნაური იყო – დუეტი რეპერ ძვალთან.  ეს იყო სიმღერა, რომელიც მაიკომ და ძვალმა თავიანთ შვილებსა და მთელი მსოფლიოს შვილებს უძღვნეს. ალბათ, ყველას ახსოვს ემინემის რეპერტუარში სიმღერა, რომელიც მან შვილს მიუძღვნა და მსოფლიო ჰიტი გახდა. ამ სიმღერას კი ძვალი თავის უსაყვარლეს ქალიშვილს, მაიკო კი – ორ სიმპათიურ ვაჟს უძღვნის. პოპულარული გახდება თუ არა ეს სიმღერა მომავლის საქმეა. საინტერესოა ისიც, რომ დიზაინერი ბიჭოლა და მომღერალი თიკა ჯამბურია, თიკას ახალდაბადებული გოგონასთვის სიმღერას წერენ. ეს ბიჭოლას ერთგვარი საჩუქარია თიკას შვილისადმი. ამ სიმღერის პრემიერაც უკვე ძალიან მალე გაიმართება.