ვაშლის დიეტა
ამ დიეტას „ვაშლის დიეტა“ იმიტომ ვუწოდეთ, რომ სხვა პროდუქტების პარალელურად, ყოველ კვებას აუცილებლად უნდა დააყოლოთ რამდენიმე ცალი გაუფცქვნელი ვაშლი.
რეჟიმისა და საკვების რაოდენობის ზუსტი დაცვის შემთხვევაში, სამ დღეში 2 კილოგრამს დაიკლებთ.
პირველი დღე
საუზმე (9-დან 10 საათამდე): 100 გრამი მოხარშული უცხიმო ხორცი (საქონლის ან ქათმის), 2 ცალი მოხარშული კვერცხი, 2-3 ცალი უმი კომბოსტოს ფოთლისა და 1 ცალი კიტრის სალათა.
შემდეგ, ყოველ ორ საათში, სადილობამდე, მიირთვით 1-2 ცალი გაუფცქვნელი ვაშლი.
სადილი (16-დან 17 საათამდე): 1 ცალი კიტრისა და 1 ცალი პომიდვრის სალათა მზესუმზირის ზეთითა და ძმრით, 400 გრამი მოხარშული საქონლის მჭლე ხორცი.
დაძინებამდე მიირთვით რაც შეიძლება ბევრი (1-2 კილოგრამი ) გაუფცქვნელი ვაშლი. სურვილის შემთხვევაში დალიეთ ნაკლებად ტკბილი ჩაი.
დღის განმავლობაში მიიღეთ 1-2 ლიტრამდე წყალი.
პირველ დღეს არ ვახშმობენ.
მეორე დღე
საუზმე – გამორიცხეთ.
სადილი (15-დან 16 საათამდე): ვაშლი – 1 კილოგრამამდე.
კიტრისა და პომიდვრის ან სხვა ბოსტნეულის სალათა მწვანილით.
ვახშამი – გამორიცხეთ.
წყლის რაოდენობა დღის განმავლობაში – იგივე.
მესამე დღე
საუზმე (9-დან 10 საათამდე): ხილი და ბოსტნეული ისე, როგორც მეორე დღის სადილზე; ყოველ ორ საათში – ვაშლი.
სადილი (16-დან 17 საათამდე): ისეთივე, როგორც პირველ დღეს;
ყოველ ორ საათში – ისევ ვაშლი.
ვახშმის მაგივრად შედექით სასწორზე.
სითხე – იგივე რაოდენობით.
თუ გსურთ, განაგრძოთ გახდომა, რათა სასურველ წონას მიაღწიოთ (9 დღის განმავლობაში) შემდეგი კვების რეჟიმი დაიცავით:
საუზმე – ისე, როგორც პირველ დღეს.
სადილი – 300-400 გრამი მოხარშული, უცხიმო ხორცი ან თევზი, ბოსტნეულის სალათა, ვაშლი.
ვახშამი – ისევე, როგორც სადილი, ოღონდ, ხორცის გამოკლებით.
გისურვებთ წარმატებას!