მსოფლიოს 2010 წლის ჩემპიონატის საუკეთესო ფეხბურთელი და მადრიდის „ატლეტიკოს” ურუგვაელი ფორვარდი დიეგო ფორლანი და მისი პირმშვენიერი მეგობარი გოგონა – ლათინოამერიკელი მოდელი, ზაირა ნარა ქორწილისთვის ემზადებიან. წყვილი დიდი ხანია, ერთად ცხოვრობს, თუმცა გადატვირთული სამუშაო გრაფიკის გამო, ქორწილისთვის ვერ მოიცალეს და წელს, როდესაც ესპანეთის ჩემპიონატი დასასრულს მიუახლოვდა, ცნობილი გახდა ქორწინების თარიღი – ამა წლის 29 ივლისი. „დიეგო ჩემი ცხოვრების მამაკაცია და მე მინდა, მასთან ვიყო სიკვდილამდე”, – აცხადებს ზაირა და საქორწილო კაბის შერჩევას განაგრძობს. სხვათა შორის, ზაირას უფროსი და – ვანდა ასევე ფეხბურთელის მეუღლეა. მისი მეორე ნახევარი „კატანიის” თავდამსხმელი, არგენტინელი მაქსი ლოპესია.