სულ ცოტა ხნის წინ გავრცელდა სკანდალური ცნობა, რომ „სან ანტონიო სფურზის” ფრანგი ლეგიონერი და კინოვარსკვლავ ევა ლონგორიას ექსმეუღლე ტონი პარკერი ჰომოსექსუალია. ამის შემდეგ ამერიკა კიდევ ერთმა აღიარებამ შეძრა. NBA-ს კლუბ „ფინიქს სანზის” პრეზიდენტმა, რიკ უელტსმა საჯაროდ აღიარა, რომ არატრადიციული სექსუალური ორიენტაციისაა. ამ აღიარებით კი, მან გადაწყვიტა, დაამსხვრიოს უკანასკნელი სერიოზული სოციალური ბარიერი მსოფლიო სპორტში. „NBA ერთადერთი ინდუსტრიაა ამერიკაში, სადაც „ცისფერების” თემა დახურულია. ლიგაში არცთუ ბევრი გეია, მაგრამ ყველა მათგანს საკუთარი ორიენტაციის აღიარების ეშინია, რადგან მათ სხვანაირად შეხედავენ თანაგუნდელები. ჩემი აღიარებით, მე მსურს, მათ მაგალითი მივცე”, – აცხადებს 58 წლის რიკ უელტსი, რომელმაც ამერიკის ნაციონალურ საკალათბურთო ასოციაციაში 40 წელი გაატარა და გაიარა საფეხურები ბურთის მიმწოდებლიდან კლუბის ხელმძღვანელის პოსტამდე.