კითხვა: ყველა ქალს უვითარდება ოსტეოპოროზი მენოპაუზის შემდეგ?

პასუხი: არა. დაახლოებით ყოველ მესამე ქალბატონს – მენოპაუზის პერიოდში.

კითხვა: რამდენიმე წელია, მაქვს ფსორიაზი. არაერთხელ ვიმკურნალე სტაციონარშიც და სახლის პირობებშიც, მაგრამ გაუმჯობესება ყოველთვის დროებითია. იქნებ, არსებობს განკურნების საშუალება?

პასუხი: ფსორიაზი ქრონიკული დაავადებაა. მკურნალობა არ იძლევა სრული განკურნების საშუალებას. მაგრამ, ხშირ შემთხვევაში, შეიძლება, მიაღწიოთ ხანგრძლივ რემისიას.

კითხვა: ბავშვს დაუსვეს ვარდისფერი სირსველის დიაგნოზი. რა არის ეს?

პასუხი: ვარდისფერი ლიქენი (სირსველი) – ჟიბერის დაავადება, კანის ანთებითი თვითგანკურნებადი დაავადებაა. უფრო ხშირად ახალგაზრდებში გვხვდება შემოდგომა-გაზაფხულზე. გამონაყარი 4-5 კვირის შემდეგ ქრება, არ უყვარს წყალი. რეციდივები იშვიათია.

კითხვა: რითი ვუმკურნალო მეჭეჭებს?

პასუხი: ყველაზე მარტივია მეჭეჭის მოშორება კრიოდესტრუქციით (თხევადი აზოტით), ან ლაზერით. ამას ქირურგი წყვეტს. ხალხურ მედიცინაში მიღებულია ქრისტესისხლას წვენი ან ჩაის ხის ზეთი (ამ შემთხვევაში ეფექტი გარანტირებული არ არის, მაგრამ შესაძლებელია).

კითხვა: როგორ ვებრძოლო პოდაგრას?

პასუხი: პოდაგრა, ანუ ნიკრისის ქარი, თუ სწორად არის დასმული დიაგნოზი, არის ნივთიერებათა ცვლის დარღვევა, კერძოდ კი – შარდმჟავას. პირველი და მთავარი პირობა არის კვების სწორი რეჟიმი, გამწვავების დროს კი – მკაცრი დიეტა. საჭიროების შემთხვევაში, მიიღება პრეპარატები, რომლებიც შეამცირებს შარდმჟავას სინთეზს. ართრიტის გამწვავების დროს მიიღება ეფექტური ტკივილგამაყუჩებელი პრეპარატები, რემისიის დროს საჭიროა მოძრაობითი აქტივობა, ვარჯიში.

კითხვა: დასაშვებია თუ არა მასტურბაცია და რა პრობლემები შეიძლება, გამოიწვიოს ამან?

პასუხი: მასტურბაცია დასაშვებია, არ არის მავნე. ეს არის ადამიანის სექსუალურობის ფორმირების ეტაპი.

კითხვა: რამდენ მამაკაცის ჰორმონს შეიცავს ვიაგრა და ქალის ორგანიზმზე ხომ არ მოქმედებს?

პასუხი: ვიაგრაში ჰორმონები არ არის, გვერდითი მოვლენები მინიმალურია.