მომღერალმა პაატა თედიაშვილმა, თავისი ახალი კლიპის პრეზენტაცია თიანეთის კულტურის სახლში გამართა. კლიპი ახალ სიმღერაზე, ხალხურ მოტივებზე შექმნილ „მაჭახელაზე” გადაიღეს. კლიპის პრეზენტაციამ იმაზე გაცილებით მასშტაბურად ჩაიარა, ვიდრე ველოდებოდით, რადგან პრემიერის შემდეგ კულტურის სახლში იმღერეს თემო საჯაიამ, ანი სირაძემ და გოგა მესხმა. კლიპის რეჟისორმა დაჩი დარჩიამ მაჭახელას საზღვრის თემა გამოიყენა და ხაზი გაუსვა საქართველოს ტერიტორიების მითვისების პრობლემას მეზობელი სახელმწიფოების მიერ. თბილისიდან ჩასული სტუმრებისთვის კულტურის სახლის მიმდებარე ტერიტორიაზე, ღია ცის ქვეშ გაიმართა მეორე „განყოფილება”. ჩასულმა სტუმრებმა იქვე გაკეთებული ხინკალი დააგემოვნეს, გაიჭრა საზეიმო ტორტი და მომღერლებმა გიტარის თანხლებით მოაწყვეს ცოცხალი კონცერტი.