მსოფლიოს ჩემპიონმა კრივში ვლადიმირ კლიჩკომ და ჰოლივუდელმა სელებრითმა ჰაიდენ პანეტიერიმ განშორების შესახებ გააკეთეს განცხადება. რომანი, რომელიც ორი წლის განმავლობაში გრძელდებოდა, დასრულდა, თუმცა, მოკრივეც და მსახიობიც აცხადებენ, რომ ისინი მომავალშიც გააგრძელებენ ურთიერთობას, როგორც მეგობრები. კლიჩკოსა და პანეტიერის წყვილი ერთ-ერთ ყველაზე ლამაზ წყვილად მიიჩნეოდა მსოფლიო შოუ-ბიზნესში, მიუხედავად იმისა, რომ მინიატურული ჰაიდენი (155 სანტიმეტრი) სიმაღლეში მნიშვნელოვნად ჩამორჩებოდა გოლიათური აღნაგობის კლიჩკოს. ამის შესახებ თავად კლიჩკოც ხშირად ხუმრობდა – „როდესაც ჰაიდენს ჩემი კოცნა უნდა, იგი იძულებულია, კიბე გამოიყენოსო”.